اذا لم تظهر الكلمات بشكل واضح يرجى تحميل الخطوط السريانية من هنا
if the words didn't appear in the disiered way please download the Syriac Fonts from Here

Javascript DHTML Drop Down Menu Powered by dhtml-menu-builder.com
..............من حنن.....................

ܡܢܝܼ ܝܘܵܚ ܐܲܚܢܢ؟

ܡܫܘܼܬܐܣܠܐ ܒܫܘܼܪܝܐ ܡܕܒܪܢܘܼܬܐ ܕܡܪܕܘܼܬܐ ܐܫܘܿܪܝܬܐ ܓܘ ܐܪܒܝܠ ܒܦܘܼܣܩܵܢܐ ܡܢ ܦܪܠܡܵܢ ܕܟܘܪܕܣܬܢـ ܥܝܼܪܩ ܒܫܢܬܐ 1996 ܘܦܬܚܠܐ ܒܝܲܪܚܐ ܕܬܡܘܙ 1998 ܓܘ ܥܢܟܒܼܐ، ܘܫܘܼܚܠܦܠܹܗ ܫܸܡܵܗܿ ܠܡܕܒܪܵܢܘܼܬܐ ܕܡܪܕܘܬܐ ܘܐܡܢ̈ܐ ܣܘܪܝܝܬܐ ܓܘ ܐܪܒܝܠ ܗܪ ܗܕܟܼ ܒܦܘܣܩܵܢܐ ܡܢ ܦܪܠܡܵܢ ܕܩܠܹܝܡܐ ܒܩܲܝܛܐ2007 ܒܛܠܵܒܬܐ ܡܢ ܡܛܦܼܣܵܢ̈ܐ ܕܥܡܢ ܓܘ ܦܪܠܡܵܢ ܒܥܕܵܢܵܗܿ. ܒܵܬܪ ܗܕܟܼ ܒܥܹܐܠܹܗ ܦܪܠܡܵܢ ܘܡܘܿܬܒܼܐ ܕܘܙܝܼܪ̈ܐ ܓܘ ܩܠܹܝܡܐ ܠܡܵܪܡܬܐ ܕܲܪܓܼܐ ܕܡܕܒܪܢܘܬܐ ܠܡܕܒܪܢܘܬܐ ܓܵܘܢܝܬܐ. ܘܦܝܼܫܠܐ ܡܫܘܬܐܣܬܐ ܡܕܒܪܢܘܬܐ ܓܵܘܵܢܝܬܐ ܕܡܪܕܘܬܐ ܘܐܡܢ̈ܐ ܣܘܪܪܝܬܐ ܒܩܠܹܝܡܐ ܕܟܘܪܕܣܬܢـ ܥܝܼܪܩ ܒܣܝܼܩܘܡ 23 ܬܫܪܝܼܢ ܩܕܡܝܐ 2007، ܘܬܒܥܠܵܐ ܥܠܵܗܿ ܡܕܒܪܢܘܬܐ ܕܡܪܕܘܬܐ ܘܐܡܢ̈ܐ ܣܘܪܝܝܬܐ ܓܘ ܐܪܒܝܠ.
ܒܬܪ ܬܠܵܬܐ ܝܲܪܚ̈ܐ، ܘܕܝܼܠܵܢܵܐܝܼܬ ܓܘ19 ܫܒܼܵܛ 2008، ܦܬܚܠܹܗ ܒܢܝܵܢܐ ܕܡܕܒܪܢܘܬܐ ܓܵܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪܝܝܬܐ ܓܘ ܥܢܟܒܼܵܐ ܒܵܬܪ ܡܦܪܝܬܐ ܕܐܲܣܢ̈ܐ ܘܡܸܢܝܵܢܐ ܡܢ ܫܕܬܵܢ̈ܐ. ܘܩܕܡ ܥܒܼܪܬܐ ܕܚܕܐ ܫܢܬܐ ܦܬܚܠܵܐ ܡܕܒܪܢܘܼܬܐ ܓܵܘܢܝܬܐ ܡܕܒܪܢܘܼܬܐ ܦܥܘܵܝܬܐ ܩܵܬܵܗܿ ܓܘ ܢܘܗܕܪܐ ܚܘܬ ܫܡܐ ܡܕܒܪܢܘܼܬܐ ܕܡܪܕܘܼܬܐ ܘܐܡܢ̈ܐ ܣܘܼܪܝܝܬܐ ܓܘ ܢܘܗܕܪܐ
ܘܦܝܼܫܠܹܗ ܦܬܝܼܚܐ ܒܢܝܵܢܵܗܿ ܒܚܕ ܡܢ ܝܪܚܐ ܕܢܝܼܣܢ 2008. ܘܒܬܪ ܚܕܟܡܐ ܝܪܚ̈ܐ ܦܝܼܫܠܵܐ ܦܬܚܬܐ ܡܕܒܪܢܘܬܐ ܕܝܪܬܘܬܐ ܘܐܡܢ̈ܐ ܥܡܡܝ̈ܐ ܣܘܪܝܝܬܐܓܘ ܥܢܟܵܒܼܐ ܒܐܝܼܠܘܠ 2009.
ܘܒܵܥܝܐ ܡܕܒܪܢܘܼܬܐ ܓܵܘܢܝܬܐ ܦܬܵܚܬܐ ܡܕܒܪܢܘܬܐ ܬܠܝܼܬܵܝܬܐ ܒܡܕܝܢܬܐ ܕܣܠܹܝܡܵܢܝܐ ܚܘܬ ܫܸܡܐ ܡܕܒܪܢܘܼܬܐ ܕܡܪܕܘܼܬܐ ܘܐܡܢ̈ܐ ܣܘܼܪܝܝܬܐ ܓܘ ܣܠܹܝܡܵܢܝܐ ܘܐܦ ܡܕܒܪܵܢܘܼܝܬܹ̈ܐ ܦܥܘܵܝ̈ܐܓܘ ܡܢܝܵܢܐ ܡܢ ܪܘܣܬܵܩ̈ܐ ܘܦܢܝܵܬܐ.

ܡܕܒܪܵܢܘܼܬܐܓܵܘܢܵܝܬܐ ܕܡܪܕܘܼܬܐ ܘܐܡܢ̈ܐ ܣܘܼܪܝܝܬܐ ܝܼܠܵܗܿ ܫܘܬܐܣܵܐ ܫܘܠܛܵܢܵܝܵܐ ܘܚܕܐ ܡܢ 9 ܡܕܒܪܢܘܼܝܵܬܐ ܓܵܘܢܝ̈ܐ ܕܚܫܠܗܿ ܡܢܵܗܿ ܘܙܝܼܪܘܼܬܐ ܕܡܪܕܘܼܬܐ ܘܥܠܝܡ̈ܐ ܒܩܠܹܝܡܐ ܕܟܘܪܕܣܬܢ ܕܥܝܼܪܩ، ܘܗܝܟܠܑܵܐ ܕܕܝܘܵܢ ܕܡܕܒܪܢܘܼܬܐܓܵܘܢܵܝܬܐ ܚܵܒܼܫ ܣܗܡ̈ܐ ܡܢܲܝܗܝ ܒܹܐܡܐ ܘܡܘܿܣܝܼܩܐ ܘܝܘܼܕܵܥܐ ܘܐܲܡܢ̈ܐ ܣܘܼܟܵܡܵܝܹ̈ܐ ܘܡܲܪܕܘܼܬܐ ܕܫܒܼܪ̈ܐ ܘܦܪܣܬܐ ܘܛܒܼܝܼܥܵܬܐ ܘܡܓܼܠܬܐ ܕܒܵܢܹܐܦܵܠ ܫܒܼܘܿܩ ܡܢ ܣܗܡ̈ܐ ܦܘܼܪܢܵܣܵܝܹ̈ܐ ܐܝܟܼ ܦܘܼܪܢܵܣܐ ܘܝܵܬܵܢܵܝܘܼܬܐ ܘܚܘܼܫܒܵܢܵܐ ܘܣܘܪܵܛܵܐ ܘܬܫܡܫܝܵܬܵܐ.
ܘܢܝܼܫܢ ܝܼܠܹܗ ܡܵܚܝܬܐ ܕܝܪܬܘܼܬܐ ܘܡܪܕܘܼܬܐ ܐܘܡܬܢܵܝܬܐ ܕܦܝܼܫܠܵܐ ܫܒܼܝܼܩܬܐ ܘܡܘܼܢܫܝܼܬܐ ܠܫܢ̈ܐ ܪܝܟܼ̈ܐ. ܘܡܛܵܘܪܵܢܬܐ ܕܐܲܡܢܲܢ ܘܣܵܦܪܘܼܬܢ ܘܡܪܕܘܼܬܢ ܕܵܪܵܝܬܐ ܘܡܵܕܥܝܬܐ ܕܥܲܡܐ ܩܘܼܪܕܵܝܐ ܘܥܲܡܐ ܥܝܼܪܵܩܵܝܵܐ ܘܥܡܡܹ̈ܐ ܐܚܹܪܢܹܐ ܒܵܗܿ، ܘܕܒܼܵܩܬܐ ܒܐܝܼܕܐ ܕܣܵܦܪܵܢ ܘܐܲܡܵܢܲܢ ܘܡܩܪܵܒܼܬܐ ܕܥܘܼܕܪܵܢ̈ܐ ܩܵܬܝܗܝ ܠܦܪܣܬܐ ܕܬܦܪܝܵܬܝܗܝ ܣܦܪܵܝ̈ܐ ܘܡܩܪܒܼܬܐ ܕܓܠܵܝܵܬܲܝܗܝ ܒܹܐܡܵܝܹ̈ܐ ܘܡܪܝܙܬܐ ܕܒܝܬܼ ܓܠܵܚܹ̈ܐ ܐܡܢܵܝܹ̈ܐ.